.jpg)
الیکشن کمیشن نے قومی اسمبلی کے حلقہ این اے 77 گوجرانوالہ میں ضمنی انتخاب کا شیڈول جاری کردیا، حلقے میں پولنگ 6 نومبر کو ہوگی۔
الیکشن کمیشن کے مطابق امیدوار 28 سے 30 ستمبر تک کاغذات نامزدگی جمع کرا سکیں گے، جبکہ امیدواروں کے ناموں کی فہرست یکم اکتوبر کو جاری کی جائے گی۔
کاغذات نامزدگی کی جانچ پڑتال کی آخری تاریخ 5 اکتوبر مقرر کی گئی ہے۔ ریٹرننگ افسران کے فیصلوں کے خلاف اپیلیں 9 اکتوبر تک دائر کی جاسکیں گی۔
الیکشن کمیشن کے شیڈول کے مطابق اپیلٹ ٹربیونل 15 اکتوبر تک اپیلوں پر فیصلے کرے گا، جبکہ امیدوار 17 اکتوبر تک کاغذات نامزدگی واپس لے سکیں گے۔
امیدواروں کو انتخابی نشانات 19 اکتوبر کو الاٹ کیے جائیں گے، جس کے بعد انتخابی مہم کا مرحلہ آگے بڑھے گا اور 6 نومبر کو این اے 77 گوجرانوالہ میں پولنگ ہوگی۔
الیکشن کمیشن کے مطابق این اے 77 کی نشست رکن قومی اسمبلی چوہدری محمود بشیر ورک کے انتقال کے باعث خالی ہوئی تھی، جس پر اب ضمنی انتخاب کرایا جائے گا۔
حلقے میں ضمنی انتخاب کے اعلان کے بعد امیدواروں کی جانب سے کاغذات نامزدگی جمع کرانے کا عمل 28 ستمبر سے شروع ہوگا۔